𠵱家好多國家都有女球證或女旁證執法，但喺性別冇咁平等嘅巴西就唔多，有嘅都係喺低組別聯賽。不過，最近有位女旁證就成為先驅，周四喺巴西盃第2圈次回合聖保羅對CRB執法，而周日仲會首次亮相巴甲，執法明尼路主場對高士路場聯賽。呢位叫Uliana嘅金髮旁證咁吃香，網上瘋傳一段佢之前做旁證嘅片，仲有一張佢喺沙灘着比堅尼嘅相（圖右），認真索爆！
