娛樂圈真係好多奇人怪事，咪睇藝人靚仔靚女，表面正正常常，其實好多騎呢古怪行為，好似「辣媽」咁，以前萬千寵愛在一身，電影公司又爭住搵佢拍戲，真係要風得風，要雨得雨，但𠵱家風光不再，冇乜嘢撈咪專心湊仔囉。
飲兩啖唔要
原來以前辣媽一開工有個特別癖好，就係要人買大量嘅可樂放喺休息室入面，仲要指定係某牌子可樂，當初大家諗係咪請工作人員飲呢，但可樂送到，又唔見佢同大家分享喎，後尾至知原來辣媽有鋪癮，就係鍾意聽開汽水嘅聲，所以叫人買可樂返嚟開汽水畀佢聽，開完飲兩啖就唔要，真係浪費到呢！𠵱家冇電影拍，冇人見到佢，唔知呢鋪癮戒咗未呢？
撰文：關仁