【壹週刊】因為《星星》熱，令尖沙咀愈來愈多韓國餐廳，最近又有一間主打炸雞加啤酒嘅舖係呢度開幕，今日搵嚟試食王試一試。以為呢度又係食韓式炸雞，原來唔係，呢間係由日本嚟㗎！
餐廳似一般居酒屋格局，店內仲有日本員工坐鎮，會主動同客人介紹。餐牌跟足日本本店，有刺身、天婦羅、鍋物、沙津等。呢度招牌菜係夢幻雞翼、Happy 啤酒同芝士奄列。夢幻雞翼$48一份有五隻，雞翼細細隻，但十分惹味。Happy 啤酒溝燒酒$65，味道有啲淡，但配雞翼就啱啱好。與韓式炸雞豪氣係兩回事，但同樣食得好過癮。鰻魚飯用最傳統方法，附木魚湯上枱，味道都唔錯。芝士奄列充滿芝士白，海膽軍艦用料新鮮。
呢度食物質數令人滿意，而且阿姐們態度又好親切有加分。提醒一下，呢度只做夜市，十二點就收，要食記得打電話訂位。
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android