邊個富豪咁有錢，喺半島酒店外牆投射咗一封巨型情書博紅顏一笑？其實，係半島酒店為迎接5月15日至5月18日舉行嘅香港巴塞爾藝術展（Art Basel Hong Kong），請咗英國當代藝術家翠西˙艾敏（Tracey Emin），製作《My Heart is with You Always》霓虹動畫，投射喺酒店高座大樓外牆。
翠西˙艾敏以霓虹作品著名，包括2013年情人節，佢嘅《I Promise to Love You》霓虹裝置情話句子，就出現喺紐約市時代廣場巨型電子屏幕，今次就係送畀香港人的情書。由噚日至5月18日每晚7時至午夜12時，大家都可以睇到。