蔡少芬（Ada）昨日在尖東出席投資活動時，表示自己投資成功，可掌管老公身家，現在更開始學習如何投資。早年因家人曾投資失敗變負資產，Ada引以為鑑，她說：「初初都唔敢掂股票，驚變大閘蟹，可能試過屋企人有負資產，會睇自己能力，唔想畀壓力自己。」不過，最近Ada小試牛刀，都有不少斬獲，她說：「試過某啲投資有幾個double回報，好奇妙。啲人覺得有得升繼續等，但我覺得夠就收，點知我一賣晒就跌，我儍吓儍吓咁，所以都好感恩。」
有報道指曾志偉開公司捧林峯和陳法拉，志偉笑說：「林峯咁紅使乜我捧，反而我一直都想幫新演員。法拉有上進心，林峯作為朋友亦會出嚟食飯分析吓工作，但未傾到合作咁詳細。」
採訪：溫敏芝
攝影：仇志德