張智霖（Chilam）今年7月在紅館舉行3場個唱，早前又推出了唱片，唱片公司星娛樂斥資逾10萬元炮製他翻唱趙學而歌曲《尋開心》MV。Chilam僅獻聲及執導，力邀47歲蔡一傑肉搏狼啜45歲「美魔女」伍詠薇，兩人加埋超過90歲，但埋身戰一樣火辣。
福臨門接女友人
MV搞搞新意思，Chilam前日在電話中說：「今次除咗搵何丙（何韻詩胞兄）同我重新編過曲，我要求sexy啲，MV就想gimmick啲，於是就搵伍姑娘同傑仔一齊拍。」Chilam自爆曾想過親身戰伍姑娘，他說：「仲諗過三個人一齊嚟。」MV中傑仔騷肌出鏡，伍姑娘更胸壓傑仔，Chilam說：「為咗呢個MV，佢哋分別節食咗10日，傑仔不停做掌上壓谷肌。」
Chilam表示演唱會上會唱《尋開心》，考慮請傑仔和伍姑娘到紅館做真人騷。此外，Chilam昨午現身福臨門，他把座駕交酒樓代客泊車，後來取車順便接載女性友人離開。
採訪、攝影：比華利、文國駿
