LG推出小型的手提打印機其實已經唔係第一次，不過第一代相質一般，反應好似冇預期般熱烈。LG可能都有留意這一點，昨日正式發佈二代目的手提打印機LG POPO，新機同樣以Zink無墨水印刷技術印相，以藍芽連接智能裝置，亦一樣設有NFC方便配對，甚至使用的App都與上代相同。
現場實試，相片質素明顯比上代優勝，相片的色彩明顯鮮艷豐富得多，亦更具層次感。更重要的是，新機除可使用一般Zink相紙，更可用新一代的貼紙相紙，即印即貼，玩味即時提升，相信唔少港女都會冧。印相時間方面就同上代差不多，約需時二十秒，亦可如上代般加上QR code，即時連結社交網站。
外形上，新機比舊機大了一點點，但出相一邊設計成圓形，比上代四四方方更時尚美觀，設有白、粉紅、黃三色，亦明顯針對女生市場。新機定價$1,490，男生們若近期要送禮，應是很好的選擇！
