08年京奧因咪嘴假唱而「爆紅」嘅女孩林妙可，轉眼已14歲亭亭玉立，佢喺電影《37》就真唱蒙古歌，可否一洗咪嘴污名八方唔知，但六年前裸辭尋夢嘅非常校長梁偉明，就話佢嘅歌聲，肯定可以幫到內地貧苦農村學校小朋友讀書咁話。套戲係講一對都市富有母女，各懷心事來到草原，由挑剔躁狂到找到真正快樂；原來37真實存在，係指呼倫貝爾合唱團37個唱出天籟之聲嘅蒙古孩子。梁校長話周日嘅慈善首映，收益將撥歸閱讀夢飛翔基金會，今年會喺60間貧困村校建圖書室同開展閱讀計劃，讓貧苦孩子有機會在書海中尋夢。查詢電話3511 3349。