「扮靚啲皆因你，癲癲地皆因你」
—《分分鐘需要你》
蔡潔緩緩走到志偉跟前脫光上衣，熟練地在他兩腿之間搖晃，完事後，舔着雪糕回味享受，一鏡直落，無花無假。第一次拍電影，第一次做宣傳，蔡潔沒半點怯場，她禮貌地作自我介紹：「我叫Jacky，入行之前選過中華小姐，係2013年嘅事，選完我返咗澳洲墨爾本讀書，畢業後就來香港拍《香港仔》。」
蔡潔在澳洲修讀影視製作碩士課程，今次豁然一脫，就是要坦白告訴大家：「我唔覺得係犧牲，大家有大家位置，我覺得係俾咗個好機會我，同埋學到好多嘢，導演同我表示過，為咗呢個角色頭痛，自己諗過好多人，佢委以重任畀我，總之個效果最後係好嘅就OK！」
畢竟要在鏡頭前裸露，蔡潔自認開放，但絕不隨便，她說：「我覺得呢個唔係一個好重嘅嘢，最緊要係部戲好，自己會認為呢個唔係我一個好concern嘅部份。今次唔係全裸，前面有做保護，係背脊裸！意識係好大膽，劇情需要，如果佢要交代清楚個關係，我覺得係需要呢個劇情。其實我想講，唔係你肯除晒就好睇嘅，個導演搵得你，真係覺得你啱，咁你就做番個角色要你做嘅嘢，如果接得就要信任導演嘅處理，唔好問『會唔會露得太多』。自從我say yes接演呢個角色，唔可以話豁出去，好似去送死咁，不過唔會扭扭擰擰，因為我自己都係學影視，到時我第日開戲，我都會咁樣要求我嘅演員同crew囉！」