【拆局】
北京開展第二輪「溝通」攻勢，由中聯辦出面約見訪上海泛民議員。多名泛民議員認為第二輪的「軟攻勢」旨在公關，實際只是向泛民逐一摸底，評估各人底線，以便為日後「拉散」泛民陣營做準備。
多名泛民議員相信，北京領導人是想通過政改，但目標與泛民不同，「佢哋要用最低政治成本、通過一個有篩選嘅方案，當畀咗普選香港，以後唔使再搞」，北京亦明白有關要求近乎不可能，所以要先摸底，「睇清楚每個人嘅底線，計計點可以用最小讓步，換取政改方案通過」。但泛民陣營認為，北京如意算盤難打響，「（泛民）或者對公民提名仲有不同立場，但係喺冇篩選特首普選上，立場好一致，基本上冇人會讓步」。若北京以為某些泛民獨立議員、如公共專業聯盟議員，在反對篩選問題上，沒有民主黨、公民黨強硬，可說是捉錯用神。
《蘋果》記者