【亂噏24】今日的黃柏高（Paco）能在娛樂圈呼風喚雨，完美人生冇得輸，不過他曾犯下人生最大錯誤——推廣綠茶溝威士忌，禍及無數年輕人的健康，Paco更自稱「罪人」！讀者可在 http://bit.ly/appletalk24重溫今集《亂噏24》。
撰文：馮國康、Sidekick
今集節目繼續由黃柏高、蘇永康和薛凱琪擔任嘉賓。酒過三巡，Paco越說越起勁，更與蔡瀾一起講飲講食。在暴飲暴食中，Paco兩者同樣喜歡，尤其對麵非常講究，甚至講明有生之年一定會拍一部以麵為題材的《麵神》，他說：「係講麵嘅挑戰，其實係一部武俠片，講點樣挑戰韓國嘅麵、日本嘅拉麵、烏冬。」蔡瀾聽到流晒口水︰「我可以免費做你顧問！」黎智英認真問：「最好食嘅麵係邊度嘅麵？」蔡瀾笑說：「你阿媽煮嘅麵囉！」
Paco認為食物質素是次要，最重要是跟誰一起用餐︰「我對飲食有一個定義，就係食同飲都一樣，我最想同邊個一齊食同飲，咁就好味！」肥佬黎對天然食物情有獨鍾，他每次到訪巴黎，必定搭火車到南部農莊，吃一頓當地風味食物，他說︰「我每次去食都開心，佢畀你係泥土攞上嚟嘅嘢，好似大地送咗啲嘢畀你咁。」
飲酒飲到噴
根據非正式統計，八成後生仔女都蒲吧，但一講酒量，就遠遠比不上老一輩。嗜酒如命的Paco說︰「80年代我哋係咁樣飲酒嘅，一人一支XO擺喺面前，你可以即刻乾佢又得，又可以逐啲飲，但點都要飲完為止。」至於「吹喇叭」這名詞也是當年興起，Paco憶述說：「我自己飲到差唔多，就嚟飲完時，都忍唔住噴咗出嚟，真係好勇，啲態度好勇。」
Paco繼續分享飲酒文化：「XO軒尼詩呢個brand，為咗迎合亞洲人喜好，加重糖份，好似糖水咁，嗰陣時我哋嘅銷量係超越全世界。邊有人咁樣飲酒，係香港先有呢個特色。」
一般人認為飲紅酒對身體的傷害性最低，但都要視乎飲用的方法，中國人愛乾杯，但一口氣乾掉紅酒非常傷身，Paco也見過有人將82年Lafite再加點七喜倒進杯裏，他笑說外國人見了必定目瞪口呆。
假酒係甲醇
坊間常說有奸商賣「假酒」，Paco不認同：「其實嗰啲唔係叫假酒，只不過係年份唔夠，真正嘅假酒係甲醇，你死梗會盲。真正嘅假酒係殺人㗎，所以呢個代用名詞係錯嘅。」
蘇永康自認不懂喝酒，不太懂得分辨好酒。但他知道喝高年份的酒，翌日起床不會頭痛：「但你平日唱卡拉OK，同朋友飲溝綠茶嗰啲，個頭痛到發發聲！」
Paco聽到康仔提起綠茶溝酒，忽然覺得相當慚愧：「綠茶溝酒係我人生一個錯誤！我係一個罪人！」然後講述當年發明綠茶溝酒的經過。「我只係唔覺意溝埋，嘩完話好飲喎呢個，仲有一樣最錯，係我真係以為自己係專家，仲話綠茶溝威士忌有formula嘅。」自此，綠茶溝威士忌變成時尚，年輕人劈酒總買二、三十支綠茶來溝酒，因為綠茶糖份極高，間接損害了他們的健康，Paco說：「所以我係mother fxxker！」
Fiona早前因為工作太忙，Paco出於關心，竟在公司當着員工面前喝罵她，當然是喝醉時說的：「我𠵱家同全部人講，我出年唔畀Fiona做嘢！」當時Fiona跟Paco說：「我唔做嘢都得，你戒酒囉，跟住佢呆咗，就轉topic咯，哈哈！」Paco解釋：「要我戒酒，我情願no。我係可以一滴唔飲都得，不過飲酒係動力，係幫我推動建立大家關係。最重要係，飲酒嘅人係講真話。」
誓簽回康仔
陳淑莊重提早前Paco公司搞annual dinner，他先後送出一架Lotus名車及一架法拉利作抽獎，便問他如今還有甚麼人生目標？Paco認真的說：「第一，我永遠最好嘅係明天，我努力去爭取最好，以前嘅已經過咗去。我最大嘅努力，就係要簽番蘇永康！」跟康仔碰杯後續說：「我𠵱家簽人係公開講明所有人聽，你有本事，大家一齊良性競爭，你留得到佢，我做唔到，為佢好我願意畀佢最好。我唔係要擁有，我係要配合。」
康仔記得當日離開金牌大風，簽約任賢齊旗下，第一個通知的人便是Paco：「Paco當日畀咗好多有建設性意見我，佢話畀我聽華語市場對我好重要，呢間公司幫到你好大，所以喺呢個時候離開係啱。」
肥佬黎問Paco是否覺得自己比以前更成功？已略有醉意的Paco說：「我永遠都係向前，我嘅目標一定要Fiona係最紅，同埋有機會簽到蘇永康。」康仔之所以未跟Paco，全因他所屬的公司對他很好，《那誰》亦帶給他很多東西，故不能一走了之，不過Paco說：「我尊重佢，但我願意等，無論邊個階段都好，我一定要同佢合作。」要簽藝人看似簡單，都是錢的問題，但Paco認為怎樣令藝人成功才是最重要，他說：「你點樣好得過《那誰》？我就做畀你睇！」
蔡瀾將他的追女秘訣來比喻Paco簽藝人的決心，Paco很大反應：「唔係啩，我都未曾追過女仔！」肥佬黎問：「點解你未追過女仔？」Paco答：「我為咗事業貢獻咗一切，我係一個仆街嚟！」
蔡生免費幫手 PACO開咩戲咁正斗？
http://bit.ly/talk244301
劈酒吹喇叭有段故 原來亞洲人最怕苦！
http://bit.ly/talk244302
綠茶喪溝威士忌 原來係PACO發起！
http://bit.ly/talk244303
強國假酒要上訴 假酒定義喺呢度
http://bit.ly/talk244304
4年前Paco就玩完？衰過先至浴火重生
http://bit.ly/talk244305
公司抽獎送法拉利 香港老闆真豪氣
http://bit.ly/talk244306
阿Fi 自爆抑鬱自殘「同男友分手都冇人知」
http://bit.ly/talk244307
自嘲迪士尼公仔 阿Fi不是真正的快樂
http://bit.ly/talk244308
講粗口要睇時候 一講即中先夠火候
http://bit.ly/talk244309
愛成就藝人 Paco豪言超越「那誰」
http://bit.ly/talk244310
Paco公開終極願望 一定要簽返蘇永康
http://bit.ly/talk244311
經理人好擔心 藝人唔講政治有原因
http://bit.ly/talk244312