【壹週刊】沙頭角邊境禁區附近一條荒廢村莊，近日有人靜雞雞升起五星紅旗，又掛上「全國鄉鎮幹部培訓（香港）基地」金色牌匾，但平日不見人影，連「新界王」劉皇發亦堅稱「乜都唔知」，咁神秘究竟搞邊科？
經連日守候，日前終於有多名疑似「大陸幹部」出入。屋主吹噓是北京中央黨校落柯打，先掛牌、後建校，目標是每年招攬逾千鄉鎮幹部來港學習，將有牛場、會所同遊艇會，而背後有份搞這個發展大計者，是早前踢走發叔，坐上屯門鄉事委員會主席寶座的新界搏上位王何君堯。
本刊踩上何君堯律師樓問個究竟，這位近年見縫插針的律師會前會長，指着記者大叫：「你哋《壹週刊》最鍾意寫人唔好嘢，不過我唔驚。」唔驚就嚟料，可是當記者質問他搞幹部基地時，他卻左閃右避，但講到發叔呢位死對頭，佢就句句寸爆聲言：「老虎尾我都有膽掂，夠膽咬落去 !」
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android