昨天為那位靠出租WiFi機月賺10萬元的25歲少女，因被《蘋果》大篇幅報道，無辜招來四方筆伐抱不平。值不值得佔咁多篇幅，讀者各有睇法很正常。之不過話《蘋果》收錢、或者那少女不知靠搭上甚麼關係，所以換得大肆報道做宣傳，更說要ICAC查，實在無聊兼白癡！不過講到最過份的，是人身攻擊語帶雙關說她靠「培訓」，之所以業績彪炳全靠賣「床單」。早前有位保險女新人因為做了一張幾百萬元的大單，被同事譏諷為「床單」向我哭訴，曾在他報章專欄以此為題寫過一篇。沒想今日依然氣難平，破例一題寫兩次。
都說做人難，做女人更難，做女強人難上加難！又強又叻的，豈一個難字了得？生得醜就是豬扒彈個體無完膚，生得靚的就必定冇腦；生意業績好就定必是靠出賣色相陪客上床先做到？我尊重不同行業的工作者，性工作者亦一樣。但明明靠雙手憑努力打造出來的成績及天下，被完全漠視還要被公然侮辱詆毀。那些網民講到天下無敵，何不做些成績出來看看？隨口是但噏毋須負責任，一句講吓之嘛，咁緊張做乜，就可以甩身？要是被批評的是自己姐妹親戚或朋友，未知態度會如何？
她自去年8月開業以來，年終無休冇假放，新年一樣照開工，日日做十幾個鐘，有幾多人肯？一句韓文都不識，但就有膽識，直接向龍頭LG埋手，並沒有被之前的拒絕嚇怕而放棄，竟敢單人匹馬到韓國。當其他人不停藉口做不可能的理由的時候，這位少女勇往直前「趁後生博一博，輸咗贏經驗都係值得」！那句輸錢皆因贏錢起，慳啲啦！
床單？我有，何止一張？是我自己揀自己買的，如何？做人當自強，最緊要爭氣！
張慧敏
http://www.facebook.com/HKcareerdoctor