渣馬參賽人數年年創新高，唔少人都話，好難得可以喺馬路、隧道、青馬大橋奔跑喎！畀喪屍追住響街跑你又有冇興趣？有個名為Run For Your Lives嘅喪屍障礙路跑，好快殺到嚟香港啦！參加者可以揀做喪屍或人類，喪屍要突擊偷襲人類，搶走人類身上嘅布條狀「命巾」；人類就要盡力保住「命巾」，完成所有障礙跑到終點，跑晒五公里仲有命就叫贏。日期地點有待公佈，報名可上 http://rfyl.hk/睇睇。
個活動源自美國，新加坡同台灣呢兩年都有搞過，大受歡迎。港台DJ黃冠斌最近為咗節目《有冇搞錯》，就飛咗去台北參賽，以人類身份出戰。佢將經歷拍成互動式短片放上YouTube，一開波忍唔住都要抽抽狼英水：「嗱，認住佢哋呀，如果有一日有喪屍，佢哋一定第一個推你出去死呀！」難道狼英比喪屍可怕？