啱啱過去o既星期尾，相機迷唔知有無去睇仕宏拍賣o既預覧展，一睹部部過百萬o既靚Leica？如果無，可能以後都無乜機會喇，因為他們大都已經落入收藏家手中。仕宏拍賣2014年春季珍稀相機拍賣會，在上星期六共拍賣了288件拍賣品，總成交額超過3,900萬港元。整個拍賣過程都頗熱鬧，不過要數最勁一部當然係由名攝影師Eric Schaal所擁有，全球僅生產138部的Leica Mp黑漆版，最終以495萬港元，高出估價近100萬成交，一如所料成為全場最高價拍品。
至於其他焦點拍賣品，好似全球第二部M3黑漆同樣以高出估價近100萬的366萬成交；攝影師Jay Maisel的相連號銀色MP就拍得342萬，雙梭角M3就拍得188萬。
雖然部部相機閒閒地都值一層半層樓，大多數人都只係可以葡萄，不過拍賣會當日，就有來自德國的Leica歷史研究學會副會長Mr.Lars Netopil主講分享會，分享交流古董相機欣賞及收藏心得，同時推動香港珍稀相機的收藏文化。
