做老竇大過天！講嘅係費達拿，呢名瑞士網球手因為懷孕嘅太太美爾莎就快生得，決定退出打緊嘅馬德里網賽。
由於之前已有塞爾維亞嘅迪祖高域因手腕受傷而退出，所以今屆男單睇頭好似一般。好在女單戲碼唔錯，2號種籽李娜喺次圈「中國打吡」中擊敗鄭潔晉級。另外，為紀念早前因肝癌逝世嘅英國女網手芭達查，一眾馬德里參賽球手喺賽前都默哀一分鐘。
