隔牆有相:酒駕波合十拒飲啤酒 - 李八方

隔牆有相:
酒駕波合十拒飲啤酒 - 李八方

究竟基督徒喺乜嘢情況下會合十?究竟一個嗜酒之人,點解會喺美酒當前,仍然能把持得住?呢啲問題,就真係要問問發展局局長陳茂波,先至會有答案啦。噚日長洲太平清醮,茂波局長走咗入長洲做嘉賓。話晒過門都係客,大會嘅啤酒女郎禮貌地遞上啤酒,諗住畀局長啤一啤佢。可能見過鬼都怕黑啦,美酒當前,茂波都不敢妄動,只能雙手合十,以示感謝,以表抱歉,請咗啤酒女郎食檸檬。喺鏡頭前,茂波局長今次都算有政治觸覺,希望佢經過上次飲啤酒駕車,做咗酒駕波事件之後,真係經一事,長一智,唔好再有下次喇!
朱永倫攝