政改方案是出爐麵包，幾個款式，沒有一隻合胃口。拿着三十蚊的你，想轉身離開，無所謂，食少餐。可是店員說冇得縮沙唔買，一定要揀番件。
揀唔落手，原地踏步，點解唔得。反正，原地踏步，阿爺和狼英，照舊踐踏民意，當市民茂里，舞照跳，屎照拉，旺角依然旺黃金，而且：
一，邊個做提名委員會，高鐵一樣繼續玩隱瞞，2017，一再篩選兼欽點的特首出爐了，高鐵還在挖花崗岩，超支千億，夠買N箱大支裝胡椒噴霧。
二，無論任何災難，從政府到港鐵，由撞沉船到暴雨浸壞機，都有一堆借口卸膊。三個抑或四個特首入到閘，都係自己人查自己人，自己友益自己友。
三，疑中留情，不言而喻，中東沙士殺到，高官連譴責內地同胞在市中心行人路大便的勇氣也沒有，點應付世紀人傳人絕症？響應愛國愛港遞膠袋給表妹，包容街屎，有屁用嗎？原地踏步，至低限度，唔會踩屎中招！