影后張曼玉（Maggie）日前在內地音樂節用老牛聲演繹《甜蜜蜜》，她那沒高低起伏的超低音被網民踩到一文不值，毫不畀面叫她滾回電影圈。曾經狠批陳奕迅聲線麻麻的音樂人周啟生，卻獨排眾議認為張曼玉的歌藝令人眼前一亮，甚至形容為百萬中無幾人。
「把聲百萬中無幾」
周啟生前晚接受本報電話訪問，認為張曼玉的老牛聲堪比殿堂級徐小鳳：「佢唱到咁低key，仲低過男仔，好難得女仔唱到咁低，我曾經見過唱到咁低只有小鳳姐，係好特別長處。」對於網友勁彈張曼玉歌聲，周啟生說：「𠵱家香港彈人好容易，佢唔係歌星，咁成功嘅影后唱隻歌當玩票。自己職業病發作，如果有機會教Maggie唱歌，我會度多兩個和音，教佢唱女仔聲高少少，感覺全面啲，唔會俾人攻擊只係得低音。」
不過，周啟生拒絕給張曼玉的歌藝評分，他說：「感覺都幾新鮮同眼前一亮，唔想夾硬畀分。佢把聲咁低百萬人中無幾，畀我教佢絕對會搵番真係女仔嘅聲，我唔覺得佢五音不全。」
此外，將於下月在紅館開騷的草蜢，昨日在商台接受訪問，宣佈加一場共開六場，他們也力撐張曼玉聲線獨特，想請她做演唱會嘉賓。
草蜢：聲線好獨特
草蜢說：「我哋一向欣賞佢唱歌，聲線獨特，人又靚，香港好少女仔有磁性聲線，我哋師傅（梅艷芳）都有把男人聲，唔係人人有，佢就有呢啲特質。我哋都好想有合作機會，想邀請佢做演唱會嘉賓，相信一定有火花。其實外國都有好多唔同類型音樂元素，係可以共存，點解一定要卡拉OK歌？」
曾任歌唱比賽節目評判的巫啟賢昨以手機短訊表示：「到了這個境界，她選擇開心唱，這是她的自由，她唱歌的水平是有迹可尋的，願意衝着她而去的觀眾也無權喊冤。」
採訪、攝影：皓騫、王連連
