「你有冇見過Buddha California？一草一世界，一土一極樂」。早排《罪與彿》紅爆網絡，一曲Buddha California更加係體現咗中美文化交流，今日係一年一度嘅佛誕，除咗有網民喺尖沙嘴倒數慶祝外，美國駐香港及澳門總領事夏千福亦提早出動，噚晚喺領事館個官方facebook上載一張貼片，話佢上司兼國務院東亞及亞太事務助理國務卿Daniel Russel剛抵達香港，兩人趁佛誕前夕，一齊去志蓮淨苑食齋，認真入鄉隨俗。Daniel Russel今日會見記者，佢曾經支持台灣馬英九政府簽訂兩岸服貿協議，呼籲過反服貿學生應避免暴力抗爭，唔知佢今日會唔會就香港嘅佔中運動發表吓意見呢？