拉布一日，浪費公帑255萬，夠買十萬罐午餐肉送給基層！民建聯議員這麼說，凸顯精於篤數，比超市精叻。市民並非個個都係胡楓羅蘭，只能乘機問吓：
一，民建聯推張曉明的畫作拍賣籌措經費，張某再開金口唱歌，一場晚宴，個人已籌到近三千萬，敢問錢在何方？這筆進賬，民建聯完全不用納稅，用來買晒豆豉鯪魚罐頭，買到多少罐？張曉明阿媽幾多歲？
二，高鐵延誤，市民一點不驚訝，但項目冇可能超支十六億咁少。十六億，基層家庭食塞米都可以捱三世，買罐頭擲，天降回鍋肉，旺角遍地黃金，一邊在行人路屙屎一邊搶罐頭的奇景，幾時會發生？張炳良阿媽幾多歲？
三，盛事基金益晒民建聯搞手與商界自己友，年年攞錢，買到的五香肉丁罐頭，點止十萬八萬。用罐頭來起公廁，太折墮。嘔番筆錢出來，俾條路強國人行吓，方便吓啦。蘇錦樑等了N班車仍排隊尾，又冇人好心俾膠袋佢，終於尿了兩條褲。他媽幾多歲？