阿仙奴喺周日英超主場1:0小勝西布朗，佢哋喺賽前已經肯定拎到聯賽第4名，加上呢場係今季最後一場主場比賽，令到場波好似嘉年華咁。領隊雲格一直都未正式同阿仙奴續約，佢趁大家咁高興嗰陣，就證實會喺下季繼續留隊：「我喺下季會唔會繼續教？約定你下季見。雖然我唔知幾時會動筆，但口頭應承咗，落實續約只係時間問題。」