南區海怡半島嘅海怡西商場呢排話要轉型，做名牌大outlet，居民聽到就心噏。民主黨「乳鴿」南區區議員區諾軒，噚日趁住城市論壇講開自由行10年檢討，佢就爭取30秒發言機會，問台上嘅中原老闆施永青、旅發局前主席田北俊等，「如果真係冇問題，點解海怡半島商場，一個地區商場，都要改建，服務自由行，畀條生路香港人行啦，好唔好呀？」又問啲老闆們，點樣先可以令到啲大業主回心轉意，唔做outlet呢？施老闆就笑笑口話，「我呢就贊成全部停晒啲自由行，做吓實驗，就讓民主黨承擔呢個責任，咁就大家知道結果如何囉！」嘩，就係咁樣，施老闆就秒殺咗白鴿仔啦。