五一黃金周，財經新聞鋪天蓋地話銷售數字點樣大跌，但相信唔少香港人唔會感受到，因為日日出街，全城盡是拖篋神，唔俾人轆親隻腳仔已算行運。不過你有你嘅本地情懷，連鎖店依然一心一意為人民幣服務，I.T集團旗下嘅商店，將「買滿XX元，即減XX元」嘅廣告牌，變咗「立減」，似乎要令強國人賓至如歸。
「立減」係大陸用語，但用番「即減」呢個香港地道詞語，強國人係咪都會睇唔明呢？雖然I.T做香港年輕人生意起家，但港人消費力薄弱唔爭氣，I.T改而服侍強國人，當然唔出奇，奇就奇在I.T點解冇中文名，難道唔驚《人民日報》批評I.T「破壞了漢語言文字的純潔性和嚴整性」嗎？