【成功之道】
Carmen從小目標明確，「我由細到大都想做老闆，我要有自己嘅一盤生意」。她的生意頭腦，早於小六時開始萌芽，當年擁有電腦者不多，Carmen用家中的打印機，列印名字label，賣給同學，每張20元，對那些年的小學生而言，絕對是奢侈品，「啲同學見到label話好靚，我咪話『賣畀你吖！』」做成兩宗生意，卻被老師逮個正着，弄得見家長收場，退錢之餘，還捱了一頓痛罵。談起童年瘀事，小妮子仍然略帶不忿，「家姐都話我蠢，賣還賣，唔好畀老師知吖嘛！」也許，那時候，Carmen學會了，成功靠打拼，賺錢看時機。
Carmen年幼時家境清貧，住過鐵皮屋，一家人受盡親戚白眼，「親戚好鍾意同你比較，你個女做啲乜，我個女嘅男朋友做啲乜，啲好有錢嘅親戚，屋企好大好靚，原來做生意可以咁犀利」。她年紀輕輕已經深明成功首要爭氣的道理。
基層可跳出框框
從基層進身老闆，Carmen總算揚眉吐氣：「唔好以為，基層就永遠都只可以係基層，其實只係差個機會，就可以跳出個框框！」
《蘋果》記者