今集《亂噏24》繼續有黃柏高（Paco）、薛凱琪（Fiona）和蘇永康做嘉賓，Fiona更在節目講述當日患抑鬱症的經過。節目今日起至周五播兩集，讀者可於《蘋果動新聞》網頁觀看，也可登入 http://bit.ly/appletalk24重溫，足本版於周四晚11時播出。
Fiona的演藝之路看似順暢，其實心底裏並不快樂，她說：「我由細到大都唔鍾意講自己啲唔好嘅嘢，屋企有問題、失戀或者唔夠錢，都唔會話畀人聽。爹哋教我報喜不報憂，同埋唔好將秘密講畀人聽。」
直至四年前Fiona接受雜誌訪問，才剖白患了抑鬱症，她說：「其實我拍《分手說愛你》有抑鬱，有自殺傾向，攤咗喺屋企三日唔沖涼，成日喺屋企尖叫，又𠝹自己。點解嗰次要講，因為我可以幫到好多人。」時至今日，Paco依然擔心Fiona會舊病復發，每朝起身便「𥄫」着Fiona的微博，又勒令她早點睡覺，他說：「佢真係離晒譜，凌晨5點幾仲喺度玩微博！」
撰文：馮國康