市場傳聞，本港首富「超人」李嘉誠對飲茶相當有要求，佢主要飲五十年代嘅普洱，因為呢批茶葉冇受化肥農藥污染，品質純正；恒基地產（012）主席李兆基好似都係鍾意呢批茶葉㗎。據資料，茶史將1733年普洱府同慶號茶莊開張至1949年生產嘅茶稱為號級茶，特點係茶餅喺製作過程中冇其他茶種混雜，亦冇受化肥農藥污染，品質上乘；之後雖然用上其他方法種植生產，但都可以保持品質純正。直至90年代，內地經濟改革開放，為增加產量，化肥農藥就開始用於茶園。難怪超人與四叔都揀五十年代嘅普洱，有啲嘢都係越舊越好。