𠵱家上市公司搞關懷社會嘅活動越來越有自己特色，好似新地（016）推讀書，新世界發展（017）搞藝術，九龍倉（004）就偏向幫助基層學生，2011年開展「學校起動」計劃，安排多項活動讓學生參與。
趁五一黃金周假期，九倉喺旗下荷里活廣場舉行為期4日嘅「趁墟做老闆」展銷會，畀超過200名來自14間中學嘅學生策劃，體驗做生意喺點樣。現場除咗有14個學生檔口，仲有6個真正商戶嘅檔位，都唔係玩玩吓。九倉副主席吳天海噚日下午三點都有落場睇睇，大概逗留一粒鐘，跟學生傾吓偈，不過佢匆匆忙忙，好似冇幫襯囉，下次最好幫襯埋，咁先係最實際咁鼓勵學生吖嘛！