嚟緊星期日就係母親節，如果閣下仲諗住送花、同媽媽飲茶就當係慶祝活動，咁就唔夠孝順喇！大家睇吓呢個組織「香港朗屏婦女會」搞乜嘢活動賀節？就係「為表孝心幫媽媽洗腳」活動，仲歡迎大家報名，唔知係咪想申請「千人替媽媽洗腳」做健力士世界紀錄呢？呢張掛咗喺元朗朗屏邨嘅橫額，活動內容真係嚇親唔少街坊，橫額內容係咁寫嘅：「有人可能一輩子都未曾為父母洗過腳，何不趁母親節來臨，也來感受母親粗糙的雙腳？」舉辦活動嘅朗屏婦女會，係民建聯立法會議員梁志祥話事嘅新社聯衞星組織，唔怪得活動仲有「禮物抽獎」，相信屆時人人又可以攞番袋「蛇齋餅糭」福袋應吓節啩。