【歷歷在目】
馬鞍山礦場已停止運作近40年，但當年的艱辛歲月，爆破專家李橋瑞仍歷歷在目。已退休的李橋瑞今年67歲，3歲時，他初隨父母走難到馬鞍山村落腳，長大後更在礦場工作。那些年的經歷，令他學會知足常樂。
礦場結業後任職港鐵
李橋瑞是礦場的爆破工人，綽號「炮王」。他憶述當年剛到香港，一家人生活雖艱苦，但簡單開心，「爸爸喺露天礦場開礦，媽媽就上山砍柴」。
李橋瑞自小在馬鞍山村長大，在信義小學讀書，18歲到礦場工作，初到礦場他擔任測工一職，負責定位、追礦（尋找礦石位置），之後獲上司提拔做見習管工，入礦場學習爆破技術，一做就是六年，直至礦場結業為止。
印象最深刻，是在一次大型爆破中死裏逃生，「嗰次要爆成年產量，但通風系統畀礦石塞咗，入面積存咗好多一氧化碳，我哋入去檢查時都唔知道，好多人中毒，好彩發現得早，扶啲人出嚟，有醫生幫中毒深嘅人工呼吸，好彩嗰次冇乜傷亡」。其後礦場結業，他轉到地鐵（港鐵）負責爆破工程，更榮升「師傅級」曾負責觀塘線的興建等，退休前更負責高鐵項目。
他更笑言：「好彩唔係做錦田嗰段，（係）梨木樹至八鄉嗰段。」他昨與工友、村民重聚，「大家分開咁耐，見番佢哋好溫暖，諗番起大家嗰時窮有乜事都互相幫助」。
《蘋果》記者