葉念琛昨日率領《Delete愛人》一眾演員王祖藍、王菀之、許冠文、方力申等，在九龍灣舉行首映，有傳許冠文與葉念琛不和，昨晚二人出席宣傳活動，許冠文解釋：「冇，係自己唔習慣，佢拍愛情片好有份量，自己都有睇。」是否被刪減戲份？他說：「未睇，一直都唔多。」有指該片被荷李活電影公司垂青購入版權，王菀之笑言會自薦一角：「畀我會揀羅拔迪尼路同畢彼特演出，我喺後面拎咖啡行，都當進軍荷李活。」
莊思敏和顏子菲分別穿透視及露背裝搶鏡。莊思敏早前生日收戒指及鮮花，她大讚送禮物的人有心思，她說：「戒指之前睇過，但斷貨，估唔到咁都收到，唔知對方係咪追我，但會加分。」被指是否求婚戒？她說：「我當飾物收，戴喺食指，唔係情侶戒。」
採訪：文國駿
攝影：仇志德