傑斯（圖）暫時做曼聯領隊都叫有板有眼，唔少名宿都支持佢坐正，不過紅魔始終係世界頂尖球會，點都要有功績教頭做領隊，所以荷蘭籍嘅雲高爾接手呼聲好高，連傑斯都大讚佢過去嘅豐功偉業，好適合做曼聯領隊。40歲嘅傑斯下季嘅去向，連佢自己都未知，球會原本想畀多一年球員約佢，但傑斯仲十五十六，又想向教練方面發展，點都好，傑斯咁有料，曼聯唔會放佢走。