【本報訊】家住西洋菜街唐樓向街板間房的吳太指，唐樓外牆的珠寶店廣告兩盞大光燈對正其床頭窗門，令夜晚屋內猶如白晝。
家住六樓的吳太為遮擋強光想出妙法，「我用冬天啲厚褸掛喺窗口先可以遮得晒啲光，如果唔掛褸，啲燈光長期咁射入嚟，好難瞓得着」。訪問當晚，她拿走窗口厚褸，果然強光照入屋，女兒攤開書本閱讀亦不用開燈。吳太憶述一次經歷：「有日同囡囡瞓晏覺，我瞓醒見屋內好光，睇個鐘差唔多係8點，我以為係朝早8點，即叫個女起身趕返學」。
住對面大廈五樓的陳小姐，為遮擋對面銀行中心廣場外牆一列13盞廣告射燈，除在玻璃窗貼遮光紙，又掛窗簾，依然徒勞無功，皆因「個腦都係要等到熄燈先可以安樂瞓」。