影后張曼玉做戲演技就誇啦啦，但係佢開金口唱歌，歌喉就麻麻。早幾日佢喺上海出席草莓音樂節，本來觀眾都好期待睇佢演出，點知一開咪，即劣評如潮，好多人聽完好失望。亦有現場觀眾話，曼玉獻唱時，現場不少人都起身走人。也有人衰衰咁話，曼玉嘅歌喉，係「被上天放棄」的聲音。
而昨晚演唱會搬咗去北京，張曼玉繼續有份表演。佢首先承認上海站唱失敗咗，亦好大膽話自己拍戲多年、演咗廿多部戲仲有人叫佢做花瓶，所以希望大家俾多廿次機會佢唱歌。
只可惜影后昨晚獻唱時，一開唱先落雨，唔通連個天都唔鍾意佢？佢仲冒住狂風繼續話:「我不想停!」但係佢唱咗兩首歌，實在因為風力太大，舞台頂部被吹起咗，所以惟有落台離開。