榮文蔚阮偉文離婚

榮智健姪女榮文蔚年初盛傳與夫婿阮偉文婚變，更指阮已帶同兒子搬走，至今雙方都未有出來交代狀況。阮偉文昨晚現身中環置地廣場的法國五月活動，同場還有鄧達智、虞茱迪等人。阮偉文獨自現身，透露剛於過去的復活節與囝囝一齊去了加勒比海小島度假，記者問到榮文蔚有否同行，阮即尷尬微笑：「我帶佢去。」再問到二人感情狀況時，他表示：「好朋友，有見面。」

榮文蔚爆出婚外情後，阮偉文依然陪伴恩愛出席活動。資料圖片

搞緊離婚手續

問到二人會否一起照顧兒子，他表示榮文蔚生活忙：「佢得閒會見嗰仔，都係我主力湊，可能男仔關係，同我close啲，佢又鍾意睇藝術，大家有個伴。」記者再求證二人是否已搞離婚，他承認：「分咗居一段時間，搞緊離婚手續。」榮文蔚與阮偉文於96年結婚，二人育有11歲兒子阮永謙，早年極為恩愛，經常雙雙出席社交活動。至2012年爆出榮文蔚與公屋男模顧志雅暗交多年，因顧盜用對方信用卡才揭發婚外情，之後榮文蔚與阮偉文依然出席公開場合扮恩愛，到今年初，傳出阮已帶同兒子搬走。本報昨日嘗試聯絡榮文蔚，截稿前未有回覆。此外，早前患乙結腸癌的鄧達智透露現正食口服化療藥：「出席活動前會休息一日，𠵱家食咗藥會攰啲，不過個個都話我精神，食多咗嘢，啲手關節會痛。」
採訪：林嘉慈
攝影：陳志嵐

阮偉文昨晚終開口承認與榮文蔚搞緊離婚，他主力照顧兒子。

榮文蔚前年被揭發與男模顧志雅有婚外情，對方更盜用其信用卡。

鄧達智癌症漸康復，活躍出席社交活動。