由NBA班主組成嘅顧問及財務委員會周四開咗個緊急會議，商討對總裁阿當施華提出迫快艇班主史達寧（圖）賣盤嘅做法，據講與會人士一致同意盡快拍板，通過動議踢走史達寧，而下周佢哋就會再開會傾吓呢件事。不過，雖然𠵱家講到好似成事咁，但係啱啱傳出原來患有前列腺癌、一路同病魔抗爭緊嘅史達寧，揚言唔排除會訴諸法律，同聯盟對簿公堂，就係點都唔肯賣盤。