好多英式足球「football」球迷都對美國硬係要將足球叫做「soccer」嗤之以鼻（我亦都係其中一個），而對於唔少美國班主入侵英格蘭球壇，亦都有所保留；不過，其實美國化未必一定唔好，好似英超球隊水晶宮引入咗美式運動嘅啦啦隊，就真係唔錯。
水晶宮嘅啦啦隊叫做水晶（圖），雖然英國妹多數肥底，但水晶宮呢班水晶就個個精挑細選，全部都有樣有身材，所以好鬼受歡迎；而繼喺YouTube推出咗佢哋自己版本嘅《Call Me Maybe》同 《Gangnam style》，兼錄得有400萬人次收睇之後，班靚水晶最近又推出咗佢哋自己版本嘅hit歌 《I Love It》，同樣係高水準之作。
原來，班靚水晶喺3月時，更曾經替兩個慈善機構籌款，令人感覺十分良好；所以，好多英超中立球迷早前都替普利斯帶領嘅水晶宮成功護級好開心，因為佢哋可以繼續有視覺享受囉！
文：吾中
以女性角度看球星新聞，唔用眉筆用原子筆寫低球壇百態！