近年無綫和亞視肆無忌憚，製作自家「維穩節目」，《東張西望》和《ATV焦點》屢被指是電視台「喉舌」，在節目中注入既定立場，內容偏頗。
最近無綫外購劇《西遊記》自播出以來劣評如潮，被要求腰斬、調時段、熄電視等聲音此起彼落，無綫為「滅聲」，前晚又在《東張西望》發功，安排兩位主持人朱凱婷和宋熙年於節目尾段一唱一和大讚《西遊記》精采及好睇！但似乎未獲觀眾認同，而且更加激起民憤，有網友隨即在討論區連消帶打鬧埋《東張》，指內容極度偏頗，只抽出網上一、兩個正評，並建議去信通訊局將《西遊記》及《東張》一併投訴。無綫似乎知衰，怕事情越鬧越大，竟自行將該片段在myTV中刪剪掉，令觀眾不能網上重溫，情況罕見。
朱凱婷嗌精采
無綫花了近兩分鐘去硬銷《西遊記》亦可謂用心良苦，透過兩位主持向觀眾解釋種種疑問，精選了兩位網民的意見讚《西》劇是億元製作，當中很多實景拍攝，而其中一位網民還好有心地幫無綫跟大家澄清，其實對白與劇情都是忠於原著！之後便播出大約35秒的精華片段，孫悟空變身CG（特技）廟，但被二郎神整蠱，捉住間CG廟不停揈來揈去，鏡頭一轉回到錄影廠，朱凱婷便說：「真係幾精采喎。」跟住宋熙年便緊接指很多朋友都跟她討論《西》劇，會同舊版比較，並說：「不過我就覺得各有各精采，各有各賣點，因為《西遊記》本身都係一個經典嚟㗎嘛。」朱凱婷還稱很多家長會與子女一起看，並鼓勵小朋友追看原著小說。
江欣燕唔會睇
昨晚播出的《東張》主持繼續於節目中硬銷《西》劇，除播出劇集片段外，又為觀眾介紹主演的演員。網民餘怒未消，繼續鬧爆，有指一個like當冇人彈，TVB自我感覺良好；亦有人直斥《東張西望》是節目之恥。
另江欣燕昨日出席新城電台訪問，問可擔心《西遊記》拖垮《女人俱樂部》收視，欣欣竟幫理不幫親，倒米說：「我一集都冇睇過，我向來都唔鍾意呢啲劇種。」
採訪：嵐山
