MK-Pop的FAITH早前在社交網貼文「各位要小心牙」，被高登網民以「牙你老X」寸爆回應，昨日有觀眾舉牌「牙你老X」攞景，並大叫：「最緊要政治！」FAITH受訪時坦言演出冇酬勞：「公司安排我哋嚟，爭取表演經驗，有朋友問我哋驚唔驚俾人話，公司立場都係純粹分享音樂，我哋成日都俾人話㗎啦！」
台灣內地幫緘默
維穩騷由下午2時舉行玩足4粒鐘，約有千位觀眾免費睇騷，由於港星卡士較弱，最受歡迎是台灣幫的黃鴻升（小鬼）和曾參加《我是歌手2》的內地歌手周筆暢。周筆𣈱透過公關表示不受訪，台灣組合JPM的毛弟和小傑更一答三不知：「不知道是維穩騷、不知有歌手辭演、不知道有否歌酬。」
【街訪】「直情係維穩」
現場有老有嫩睇騷，年輕派直指是維穩騷。20歲的Hou說：「絕對係維穩騷，自己心中支持遊行，今次嚟睇FAITH。」由香港來澳門讀書的同學Stanley：「直情係維穩騷，分散人注意力，好多人都係追星。」36歲的吳小姐拖狗睇騷：「唔清楚有遊行，只知有嘉年華活動咪嚟。」45歲陳先生說：「勞動節帶小朋友嚟玩。」
