Teardown.com 將Google Glass「煎皮拆骨」，再逐件零件秤一秤，發現呢款售價成1,500美元（約1.2萬港元）嘅智能眼鏡，原材料竟然只係值約80美元（約620港元），引起網絡界一遍嘩然，仲估計未來大有減價空間。
原來，全副Google Glass入面最貴嘅，係是內置德州儀器處理器，成本要13.96美元（約109港元）。而Google見到心血結晶畀人抵毀，即刻直斥計算方法係「絕對錯誤（absolutely wrong）」，但冇進一步透露Google Glass嘅零組件成本、開發成本、行銷成本係幾多啦。
但諗深一層，科技嘢實在唔應該咁計，如果唔係騰訊（700）、阿里、facebook呢類公司，𠵱家嘅估值就唔會天咁高啦。