特首梁振英早前在施政報告承諾，由政府承擔逾百億的西九文化區綜合地庫建築費，以免令出現超支的西九工程百上加斤。據知政府計劃最遲年底向立法會申請撥款，但西九管理局內多名資深董事亦差不多時間「夠鐘」，特別是身兼行政委員會及發展委員會主席的夏佳理據說不再留任，肯定令西九主席林鄭月娥相當「頭痕」。
據知夏佳理、單仲偕等多名由前政務司司長唐英年任命的西九董事，今年10月「夠鐘」離任，據知大部份人均無意留任，但問題是西九正面對工程陸續上馬、又要為超支及申請撥款等問題到立會解畫，少了這班資深董事坐鎮，林鄭月娥勢必要再花更多時間處理西九。
有西九管理層對季陶說，夏佳理離任對西九影響尤其重要，事關他身兼行政委員會及發展委員會主席，西九工程事務及日常運作均由夏佳理「睇實」，林鄭負責協調政府與西九管理局，兩人一直合作無間，一旦夏佳理離任，「一係林鄭自己睇番，咁佢有排煩；一係搵其他董事睇，但睇唔到邊個會熟過夏佳理」。特別是西九越來越多機會面對立會質詢，「有邊個董事肯捱義氣去頂？」
梁粉入西九靠唔住
據知政府亦開始物色新董事人選，各方深信梁振英必安插梁粉入西九，質疑梁粉他們「戰鬥力」成疑，「好似梁委任嘅新董事，開會唔出聲，有事夾埋外人一齊砌西九，根本靠唔住」。
季陶