全球新經濟股績後要幾難看，就有多難看。最令人O嘴是網上購物平台eBay將海外收入滙返美國，被徵重稅下導致首季錄得23億美元的虧損。
碩果僅存的誠實美國佬，業績最搶眼是移動業務，移動商務生意額大增70%，和味得很。睇返亞洲呢邊，身邊朋友用淘寶做生意唔多，何況是eBay，小試牛刀的，多用社交平台，離唔開facebook和instagram，後者近月成功跑出。
Samantha身邊不只一位朋友在instagram賣衫，佢哋通常是：樣靚（自己做埋model），做緊服裝呢一行，份工唔太忙但前景成疑。
更最重要是，通常身邊出現過成功例子，由網上店進駐實體商場，化身boutique老闆娘。在中學時代，想做「老闆娘」的人數，僅次於「嫁個有錢人」。家陣網上世界零成本下，「老闆娘」入場門檻大大降低。
「人人可做老闆娘」的年代，就似一隻升咗幾棍的股，風險高，加上報喜不報憂，大家只會分享成功故事。話雖如此，但成功人士就叫Samantha醒大家幾項貼士：第一，善用hashtag，唔要多但要精；第二，follow客人，另定時探聽對手近況；第三，若一日太多post，可將稍早的post更新，令帖子免於沉底，最後當然是客人至上喇！
Samantha
本欄逢周一、三、五刊出