三年前脫離組合HotCha到澳洲遊學的張惠雅（Regen），今次重遊澳洲玩盡潮流之都墨爾本，專程睇fashion show狂吸潮流文化，又去朝拜當地品牌時裝店，變身人肉衣架狂試潮服，Regen說：「澳洲啲裙靚到不得了，但幾千蚊一條，試上身已經好滿足。」
澳洲的海鮮又平又靚，Regen到訪過百年歷史的維多利亞市場大飽口福，短短3分鐘狂擦兩打生蠔，她回味着說：「唔使100港幣就有一打，真係超新鮮超開心。」她又到酒廠試酒，再上山摘士多啤梨兼擦朱古力火鍋，讚口不絕說：「真係好鮮甜，完全忘記減肥。」之後又到原始城市摩寧頓半島，跟動主播汶汶化身女泰山玩滑樹，夠晒刺激。
掘金捧金磚
除了滑樹，Regen還在當地體驗「農場住宿」，親親大自然，她說：「自己有幫手洗碗執屋餵動物，草泥馬仲向我吐口水，以為我唔畀嘢佢食，好在我早有準備跑走；最難忘飯後散步見到滿天星星，好似銀河一樣咁靚。」
墨爾本市中心西邊的疏芬山被稱為新金山，Regen專程到此一遊玩掘金，見證黃金是如何煉成的，她笑說：「捧住嚿金磚喺手，真係好想攞走。」而愛浪漫的她更坐上摩天輪飽覽墨爾本美麗風景，嘆謂：「可惜冇男友陪，如果有先浪漫啲，好想有個人同我坐摩天輪時求婚，仲要有朋友在場見證。」
撰文：皓騫
攝影：楊觀賜、張柏基
想知又南、BabyJohn、Regen、Miki同汶汶喺澳洲玩啲乜，記得留意【四星連環遊澳洲】
http://hk.apple.nextmedia.com/enews/animation/staraustralia/