【本報訊】跑馬地譚公廟遭竊賊光顧，女廟祝助理昨凌晨在廟內留宿時，體形健碩男賊手持鐵筆及鎚仔潛入，與她碰個正着。賊人要求她繼續瞓覺，後得知她致電報警後惱羞成怒，搶去其iPhone 4S後奪門而逃。女助理事後頻呼好彩：「真係神庇佑，如果佢攞鎚仔扑我……就真係魂飛魄散。」
記者：胡恩宏
遇劫譚公廟位於藍塘道9號，昨凌晨2時許，65歲姓黃女廟祝助理在房間沙發上留宿期間，突聽見門外傳來異聲；未幾，房門門鎖被撬開，一名年約40歲男子進入房內，「佢好似做健身嗰啲（人），應該飲咗酒」，雙方眼神接觸一刻，黃知道眼前的大隻佬正是潛入爆竊的賊人。
報警誤按Speaker觸怒賊
在她不知所措之際，賊匪稱：「咪郁，我唔會傷害你，你搵張被冚住自己，繼續喺度瞓啦。」
黃婦不敢違抗遂躺在沙發上「詐瞓」，大隻賊其後離開房間，繼續在廟內其他地方搜掠，並傳來陣陣撬箱聲音。約10多分鐘後，黃婦未有聽見聲響，以為賊人已離去，遂以手機報警，惟手忙腳亂下，她竟然按下通話喇叭（Speaker）鍵，導致與警員的對話傳遍屋內。
正當她說到廟宇位置時，大隻賊去而復返，出現在她面前，勃然大怒，並以粗口辱罵：「你個X街吖，報警？」語畢，立刻搶奪其手機，轉身拔足逃去。
黃婦驚魂甫定時，警員亦接報趕抵，經點算後，證實存放在抽屜內約200元現金不翼而飛，估計已遭盜去，而廟內香油箱亦有被撬痕迹，相信部份善信的捐獻已成賊人囊中物。灣仔警區刑事調查隊正跟進案件，並翻查附近閉路電視影帶，追緝涉案人歸案。 黃婦被劫去手機猶幸未有受傷，並直言「好彩有神靈庇佑」，據她表示，因與佛有緣，14年前開始在譚公廟擔任廟祝助理至今。