杜大廚杜汶澤用125秒寶貴時間教識你點炒蛋，包保食到田蕊妮嗌encore。大家坐程港鐵，由中環去金鐘，剛剛睇完。既方便又快捷……如果嗰日冇事故的話。
《蘋果》動新聞為你即時呈獻全新欄目【自爆100】，請來明星紅人俊男索女0靚模等等等等分別以video blog形式自拍100秒短片，同大家開心些牙。「處男作」係杜大廚。
一向都好識煮嘢食嘅杜汶澤，一開始就話自已係「肥仔廚神」，要教大家一個好簡單又好複雜嘅餸——就係炒蛋，仲會同大家分享「澳X牛奶公司」炒蛋好食嘅秘密……咦，再睇落去，枱面冇材料冇器材，只係得空氣，但係阿澤都教得好認真。要用空氣炒蛋，除咗要有廚房嘅知識，仲要有番咁上下演技。阿澤果然勁。