【形影不離】
李伯與BB的「人雀之情」早已成為屯門山景邨的佳話，如今卻人雀分離，不少街坊亦大為痛心。有人為李伯獻計盼尋回BB，有鄰居希望事件經報紙報道後，有心人能助李伯一臂之力。有網民則將李伯與BB逛街的舊日片段放上網，發動全城尋雀。
「當係仔一樣 錫到燶」
居於李伯對面單位的蕭氏夫婦得悉事件後惋惜不已，兩人憶述平日李伯視BB如子女一樣，人雀形影不離：「李伯當BB係仔一樣，錫到佢燶，日日帶佢落街，希望報道之後多啲有心人幫吓手啦！」王太則稱：「隻雀仔好得意，成日跟到李伯實一實，淨係跟佢一個，感情好好，其他人唔理㗎。李伯咁慘，又咁錫BB，希望啲人可以幫到佢啦！」
街坊對事件議論紛紛，有人更教李伯：「你得閒用啲木敲吓，等BB聽到啲木聲可能會返嚟㗎！」
有熱心的街坊則將人雀逛街片段改名為「老人與鳥」放上短片網站YouTube及社交網facebook開設群組，註解「就係𠵱個伯伯隻雀仔俾人嚇走咗，雀雀唔怕人，如果屯門之友見到引佢捉住佢，之後交畀山景店舖或管理員，佢哋會交番畀阿伯！」網民亦大讚BB「好生性」，希望牠早日回家。
《蘋果》記者