八方早排唔多見公民黨梁家傑蹤影，連日前離島區議會東涌北補選佢都冇咗影，點解？咪以為袋巾唔重視補選，查實佢因事外遊，離開香港前都不停為最終勝出嘅余俊翔拉票，但要佢撐場嘅人，唔止余俊翔一個嘛！
事緣佢嘅寶貝女梁穎翹Jennifer，暫時放低牛津大學嘅學業，喺倫敦莎士比亞環球劇場（Shakespeare's Globe Theatre）嘅莎劇《哈姆雷特》飾演一角，會喺世界205個站巡演，為期兩年。可惜香港唔係其中一站，所以袋巾專登同太太（圖）飛去英國捧阿女場，入場前仲買咗紮花祝囡囡good show，袋巾睇完騷後已經返港為政改作戰。