鍾意攝影嘅朋友一定有留意「WYNG大師攝影獎」，因為呢個獎項嘅得主係由嚟自世界各地嘅評判小組選出，都幾有江湖地位，而且仲會有25萬蚊現金獎。
但查實WYNG大師獎仲另設WYNG特別攝影獎。2013嘅比賽以「空氣」為主題，顧問委員會會喺今次七位入圍攝影師，包括馮精進、高靈、郭叔緯、劉清平、蕭偉恒、唐景鋒同謝至德入面，揀選特別獎得主，仲決定喺今次入圍作品展覽開幕日、即係5月4日宣佈獎項得主，展覽喺香港理工大學賽馬會創新樓創新展廊三舉行，至16號完結。主辦單位同時喺開幕日舉行講座，其中一節搵嚟蔡東豪同黃元山等人演講「冇啖好氣?!──為香港空氣污染把脈」，但有興趣者要先去「WYNG大師攝影獎」網頁報名。