教育局政治助理施俊輝Jeff同太太Karen結咗婚都未夠半年，噚日竟然有個靚女Vanice喺facebook tag咗施俊輝，caption寫住「我與愛人」（圖），仲upload咗張男女親密照，但橫睇掂睇男主角都唔似Jeff。八方咪問Jeff係咪有女朋友？Jeff話根本唔識呢位Vanice喎，之後佢仲移除咗個tag。但呢張相吸引咗成90幾人Like，有冇人信以為真？
查實Jeff早幾日先喺fb上載同太太Karen嘅selfie，仲寫咗句好sweet嘅留言：「這天下午，我們坐在由大埔開往馬鞍山的綠van」，可能因此惹嚟唔少妙齡女仔想黐車喎！