阿根廷後衞辛尼迪，踢埋今季就退休，今年8月就41歲嘅佢，效力咗國際米蘭19年，幫球隊贏盡意甲、歐聯等錦標，真係鞠躬盡瘁；國米為咗報答佢，主席科希爾已經表明，會安排一個管理層位置等辛尼迪坐，喺下周日作客AC米蘭嘅打吡大戰，更安排儀式祝賀辛尼迪榮休，紀念佢參加最後一場打吡㖭。辛尼迪就話，球隊仲要保住歐洲賽資格，所以下周日之戰會全力幫球隊擊敗AC。